Acabamos de verificar a maduración da primeira oospora ou ovo de inverno do mildio. O mesmo feito foi confirmado, pero uns días atrás, por un modelo matemático que usamos no proxecto Plasmowine. A nivel xeral, as viñas aínda están pouco desenvolvidas, e de feito moitas están en xema inchada ou punta verde, pero temos algunhas informacións de parras abrigadas con gromos máis crecidos. Coa climatoloxía que estamos a ter, nos próximos días haberá que ir comezando a vixilancia nas viñas máis desenvolvidas.