Desde a emisión da información anterior volvéronse dar condicións favorables ao mildio boa parte dos días. Hai que ter en conta que as temperaturas mínimas continuaron relativamente altas ata a noite do mércores, en que baixaron, e que tamén a humidade relativa diaria foi moi alta (en xeral por riba do 80%) tamén ata que empezaron a chegar os ventos do norte nas últimas horas do martes. Amais, hai que mencionar a precipitación que alternou con claros varios días e as choivas do sábado, que segundo zonas chegaron a superar os 30 l/m2.

Con estes antecedentes, non é de estrañar que o volume de esporas de mildio recollidas no captador situado na contorna das plantas testemuña da nosa viña de Areeiro sufrira un incremento destacable, de valores por debaixo de 20 esporanxios/m3 de aire a superar os 100/m3 e mesmo a chegar a 200:

Así, a situación observada nas nosas parcelas de seguimento (a grande maioría con 15-17 días sen tratar) e tamén nas demais viñas nas que nos detemos nos nosos percorridos (sen coñecer data da última intervención), malia ser boa ou moi boa, denotaba xa esta situación:

- nas plantas testemuña o número de manchas multiplicouse sensiblemente e mesmo había pampos e acios afectados

Debido a esta situación e ao tempo transcorrido desde o tratamento anterior nas nosas parcelas de seguimento xa renovamos ou se vai renovar a protección antimildio, o cal debe facerse igualmente naqueles predios nos que se vexan síntomas semellantes e/ou se está próximo a finalizar o prazo de protección teórico do tratamento anterior, considerando que xa só as precipitacións do sábado día 6 reduciron o mencionado prazo.

Nas parcelas que revisamos nós aínda non atopamos os primeiros síntomas desta enfermidade. Con todo, nalgunhas plantas, as máis adiantadas, xa empeza a haber timidamente algúns acios empezando a floración, e este estado é conveniente protexelo. Por iso, pódese engadir un antioídio cando se renove a intervención antimildiu.

Esta semana quizais foi esta enfermidade a que máis se incrementou a nivel xeral, pois apareceron síntomas en todas as zonas, timidamente nas plantas tratadas e de xeito máis evidente nas plantas abandonadas dos muros, que como moito reciben deriva das zonas tratadas, onde apareceron non só no limbo foliar senón tamén nalgúns pecíolos.

Debido a que non hai produtos destinados exclusivamente ao control do fungo responsable desta enfermidade, escolla un antimildio ou un antioidio autorizado tamén fronte a este outro patóxeno..

Nesta semana vimos máis colonias deste pulgón non só en Areeiro senón tamén en maceiras doutras zonas. Lembren que mentres hai poucas é unha boa medida eliminar as follas afectadas, pero de aumentar si será preciso tratar.

Non recollemos esta semana ningún macho na trampa que temos instalada nas maceiras de Areeiro, pero lembren que convén instalar trampas en cada caso porque as poboacións poden diferir.

Nesta semana volvemos ter nacementos de adultos no laboratorio, pero no exterior aínda non os miramos nin tampouco nin tampouco os capturamos aínda nas trampas que temos instaladas.

Do mesmo xeito que se refería o ano pasado na información fitosanitaria do 27 de maio, este ano xa estamos a observar os síntomas característicos do ataque destes escaravellos. É máis, tamén xa hai casos nos que da a sensación de que as árbores xa están secas cando se miran desde lonxe e que podería deberse a outras causas pero, cando menos nos beiras dos ríos e regatos que nós detectamos, a causa son estes insectos. Neste momento a sintomatoloxía descrita afecta sobre todo aos salgueiros, pero tamén empeza a ser notoria nos amieiros.